Ресейлік және Армениялық нөмірі бар автокөліктерді «аулау» басталды

Атырау облысында 8-16 ақпан аралығында жүргізілген «Борышкер» жедел алдын алу шарасының аясында 20 млн теңгеден астам әкімшілік айыппұл өндірілді, деп хабарлайды Ақ Жайық басылымы.

Шараның негізгі мақсаты – ескі айыппұлдарын төлеуден жалтарып жүрген жүргізушілерді «аулау» болған. Төленбеген айыппұлы бар 270 жүргізуші анықталды – олардың көліктері айып тұрағына қойылды, делінген хабарламада.

Полиция департаменті баспасөз қызметінің ақпаратынша, ол көліктердің ішіндегі 170-тен астамы Ресей Федерациясында тіркелген, тағы 70-ке жуығы Армения Республикасында тіркелген болып шықты.