Елімізде Азаматтық қорғаныс айлығы жарияланды
1 наурыздан бастап «Дүниежүзілік Азаматтық қорғаныс күні» мерекесі «Азаматтық қорғаныс және әрбір үйде алғашқы көмек» ұранымен өтеді, деп хабарлайды ҚР ІІМ ТЖК баспасөз қызметі.
Дүниежүзілік Азаматтық қорғаныс күні жыл сайын белгілі бір ұранмен атап өтіледі. 2020 жылы бұл «Азаматтық қорғаныс және әрбір үйде алғашқы көмек» аталады.
Бастапқыда Азаматтық қорғаныс күштері әскери қақтығыс кездегі іс-қимылдарға бағытталғанымен, оны бейбіт уақытта төтенше жағдайларда пайдалану қажет. Оларды жоғары деңгейде ұйымдастыру және дайындау жер сілкінісі, су тасқыны, апат салдарын жою бойынша құтқару операцияларындағы атқарылатын міндеттердің жетістігінің кепілі болады. Мұндай жағдайда азаматтық қорғаныс міндеттері бұрынғыдай өзекті болып қала береді, ал кейбір бағыттар бойынша одан да үлкен мәнге ие болады. Азаматтық қорғаныстың аса ауыр міндеті – бұл оқиғалардың алдын алу және салдарын жою ғана емес, сондай-ақ осындай жағдайда өзін қалай ұстау керектігі туралы халық арасында түсіндіру жұмыстарын жүргізу.
2020 жылғы 14 ақпанда ІІМ Төтенше жағдайлар жөніндегі комитетінің басшылығы Азаматтық қорғаныстың дүниежүзілік күнін дайындау және өткізу жөніндегі іс-шаралар жоспарын бекітті, соның шеңберінде Азаматтық қорғаныс айлығы жарияланды және азаматтық қорғаныс білімін насихаттауға және азаматтық қорғау қызметінің маңызды міндеттеріне қоғамның назарын аударуға бағытталған бірқатар іс-шара кешені жоспарланды. Оқу орындарында Төтенше жағдайлар комитеті жедел-құтқару жасақтарының базасында «Назар аударыңыз!» сигналы бойынша ашық және интерактивті сабақтар, нысандар мен эвакуациялық тренингілер ашық күндері өткізіледі.
Қазіргі кезде күн сайын әртүрлі табиғи және техногендік сипаттағы оқиғалар мен төтенше жағдайлар туындау қаупі бар тұста мұндай іс-шараларды өткізу өте өзекті. Ол халықты қауіпсіздікті қамтамасыз ету саласындағы мамандардың дағдыларын білуін, күштер мен құралдарды қолдану тиімділігін практикада тексеруге, проблемалық мәселелерді анықтауға мүмкіндік береді, осы саладағы даму перспективаларын жергілікті атқарушы органдармен бірлесіп талқылауға үйретеді.
Дүниежүзілік азаматтық қорғаныс күнін мерекелеуге арналған барлық іс-шаралар төтенше жағдай кезінде қимылдар бойынша хабар беруді арттыруға бағытталған.
