Семейде полиция қызметкерін әріптесі зорлады

Прокуратураға Семей қалалық ІІБ Ақпарат және коммуникация бөлімінің қызметкері зорланғанын мәлімдеді. 24 жастағы әйел патрульдік полиция батальонының инспекторы, аға лейтенантты айыптап отыр, – деп хабарлайды Basnews.kz тілшісі.

Оның айтуынша, оқиға 25 қарашада сағат 23.00-де полицей көлігінде болған. Сондай-ақ, ол сол күні арыз жазбақ болғанын, бірақ басқарма мен Полиция департаменті басшылығы оны бұл райынан қайтарғанын айтты.

«Оқиға бір айдан аса уақыт бұрын болған, полиция қызметкері жәбірленушімен таныс. Сонымен қатар, бұл уәждер соталды тергеу аясында қайта тексеріліп жатыр. Тиісті сараптамалар тағайындалды», – деді ШҚО Полиция департаменті өкілдері.

30 қарашада айыпталушы қызметкер ішкі істер органдары қызметінен шығарылған.