Президент Тоқаев қашан ревакцинация жасататыны белгілі болды

Қазақстан Президенті Қасым-Жомарт Тоқаев келесі жылдың қаңтарында ревакцинация жасайды. Бұл туралы Facebook-те Мемлекет басшысының баспасөз хатшысы Берік Уәли мәлімдеді, – деп хабарлайды Basnews.kz тілшісі.

«Президент Қасым-Жомарт Тоқаевтың COVID-19 індетіне қарсы вакцинаны қайта салдыруына қатысты маған көптеген сұрақ келіп жатыр.

Дәрігерлердің кеңесіне сәйкес Мемлекет басшысы келесі жылы қаңтар айында қайта вакциналаудан өтеді. Президент халыққа қолжетімді екпелердің бірін салдыратын болады», – деп жазды Берік Уәли.

Еске салайық, 2021 жылдың 6 сәуірінде Мемлекет басшысы Қарағанды фармацевтикалық зауыты өндірген «Спутник V» вакцинасын салдырған еді.