Сайрагүл Сауытбай «Ерлігі үшін» сыйлығымен марапатталды

Қандасымыз Сайрагүл Сауытбай International Women of Courage Award (IWOC) халықаралық сыйлығының иегері атанды, деп хабарлайды Basnewsk.z ақпарат порталы zakon.kz-ке сілтеме жасап.

Сауытбай алғашқылардың бірі болып Қытай Коммунистік партиясының Шыңжаңның байырғы этникалық топтарына қарсы жүргізген репрессиялық саясаты туралы ашық айтты, делінген АҚШ Мемлекеттік департаментінің хабарламасында.

Қытайдың Шыңжаң өңірінде тұрған Сайрагүл Сауытбай ұзақ уақыт бойы елімізде босқын мәртебесін алуға тырысты. 2018 жылдың жазында ол тарихи отанын тастап, отбасымен Швецияға ұшып кетті.

Бұл жүлде тағы 11 елдің өкілдеріне бұйырды.

Women of Courage Award (IWOC) халықаралық сыйлығы 2007 жылы тағайындалып, жыл сайын оны АҚШ Мемлекеттік департаменті көшбасшылық, батылдық және тапқырлық танытқан әйелдерге табыстайды.