Алматы әуежайында жалаңаш жүрген ер адам ұсталды
Алматыда жалаңаш ер адам әуежайға кіріп, ұшу-қону жолағымен жүгірді, – деп хабарлайды Basnews.kz тілшісі.
«Алматы әуежайында көлік полициясының қызметкерлері әкімшілік құқық бұзушылық жасағаны үшін 1997 жылы туған ер адамды ұстады. Тексеріс барысында аталған азамат 6 сәуірде сағат 00.10-да жалаңаш шешініп, Алматы әуежайының жергілікті ұшып келу терминалының жанындағы қоршау дуалынан өтіп кеткені анықталды, кейіннен ол ұшу-қону жолағына қарай жүгіріп шығып, авиациялық қауіпсіздік қызметінің қызметкерлерімен ұсталды «, – деп хабарлайды көліктегі полиция департаментінің баспасөз қызметі.
Атап өткендей, қамауға алу кезінде ер адам өзін жөнсіз ұстаған.
«Медициналық куәландырудың қорытындысына сәйкес, ұсталған азаматтың жеңіл дәрежедегі алкогольдік масаңдығы анықталды», – деп қосты көлік полицейлері.
Оған қатысты ҚР ӘҚБтК-нің 440-бабы (алкогольдік ішімдіктерді ішкені немесе қоғамдық орындарға масаң күйде келгені үшін), 434-бабы (ұсақ бұзақылық) және 564-бабының 4-бөлігі (әуежайлар, әуеайлақтар аумағы бойынша тиісті рұқсатсыз өткені үшін) бойынша бірден үш әкімшілік хаттама жасалды.
«Әкімшілік материалдар сотқа мәні бойынша қарау үшін жіберілді», – деп хабарлады көлік полициясы.