BasNewsЖаңалықтар
Қар жауады: Синоптиктер алдағы күндерге арналған ауа райы болжамын жариялады
«Қазгидромет» алдағы үш күнге арналған ауа райы болжамын ұсынды, – деп хабарлайды Basnews.kz тілшісі.
Синоптиктердің мәліметінше, солтүстік-батыс суық антициклон Қазақстанның солтүстік жартысына ықпалын жалғастырады.
«Республиканың батысында, солтүстік-батысында, шығысында, оңтүстік-шығысында атмосфералық фронтальды бөліктердің әсерінен жаңбыр жауады. Шығыс пен оңтүстік-шығыстың таулы аймақтарда қар аралас жаңбыр жауады», – делінген хабарламада.
Елдің басым бөлігінде жел күшейеді деп болжанып отыр.
» 15-16 қыркүйекте солтүстікте, солтүстік-батыста, орталықта, шығыста жел күшейеді, республиканың оңтүстік-шығысындағы таулы аймақтарда 5 градусқа дейін аяз күтіледі», – деп толықтырды «Қазгидромет» РМК.
