Қонаевта екі зорлау дерегіне қатысы бар күдікті ұсталды

Қонаевта екі зорлау дерегіне қатысы бар күдікті ұсталды, – деп хабарлайды Basnews.kz.

«Қонаев полициясына екі жергілікті тұрғыннан арыз келіп түсті. Әйелдер оларға бейтаныс ер адамның шабуылдағанын хабарлаған. Бірінші жағдайда күдікті 40 жастағы әйелді үй тазалауға көмекке шақырған. Кейін оған шабуыл жасап, оны еркінен тыс жыныстық қатынасқа мәжбүрлеген. Екінші эпизодта 41 жастағы әйел ер адамның құрбанына айнала жаздаған. Екі жәбірленуші де шабуыл кезінде күдіктінің есірткіге мас болғанын айтты. Полиция қызметкерлері күдіктіні ұстады»,- делінген сейсенбі күнгі хабарламада.

Аталған фактілер ҚР ҚК-нің 120-бабы бойынша тіркелді.

«Күдікті қамауға алынды»,- деп нақтылады полицейлер.