Нұр-Сұлтанда бес жұлдызды қонақ үй карантин қажеттілігі үшін берілді

BI Group директорлар кеңесінің төрағасы Айдын Рахымбаев Facebook-тегі парақшасында Нұр-Сұлтандағы Hilton Astana бес жұлдызды қонақ үйін карантин және ауруханаға  қажеттілігі үшін ұсынылғаны туралы хабарлады, деп хабарлайды Basnews.kz.

«Жағдайдың маңыздылығын түсіне отырып, біз «Хилтон» қонақ үйін карантин мен аурухана қажеттілігі үшін ұсындық. Команда келген медиктермен және әкімдік штабымен дайындалып жатыр. Әрине, көптеген қауіптер бар, бірақ жеңе аламыз деп ойлаймын», – деп жазды Рахымбаев.

Бұған дейін Айдын Рахымбаев коронавирусқа қарсы күреске тартылған медицина қызметкерлеріне 100 миллион теңге бөлінгенін мәлімдеді.