BasNewsЖаңалықтар
Семейде Ұлттық ұлан сарбаздары аяғы ауыр әйелдің өмірін сақтап қалды
Семейде 22 қарашада сағат 09:30 шамасында Би Боранбай көшесінде Ұлттық гвардия жауынгерлері тас жолдың бойымен келе жатып, кенет есінен танып қалған жүкті әйелге көмектесті, – деп хабарлайды Basnews.kz тілшісі.
Тәуліктік кезекшіліктен шығып, үйіне қайтып бара жатқан 5511 әскери бөлімінің үш әскери қызметкері құлап жатқан әйелді байқайды.
Ұландықтар дереу көлігін тоқтатып, 103 шұғыл нөміріне хабарласқан.
Одан кейін уақыт жоғалтпас үшін талып жатқан әйелге алғашқы медициналық көмек беруге кіріседі.
Олар зардап шегушіге есін жиюға көмектесті, оның «идиопатиялық эпилепсия» диагнозымен есепте тұрғаны белгілі болады.
Жедел жәрдем әйелді бірден қалалық перинаталды орталыққа жеткізді.
Қазіргі таңда әйелдің денсаулығы бірқалыпты жағдайда.