Ақтөбе облысында газ жарылып, екі адам зардап шекті

Ақтөбе облысы, Темір ауданы, Шұбарши ауылында жер үйде газ құрылғысы жарылып, екі адам ауруханаға түсті, – деп хабарлайды Basnews.kz тілшісі.

Ақтөбе облыстық ТЖД баспасөз қызметінің хабарлауынша, түнде сағат 2:37-де Шұбарши ауылындағы 8-наурыз көшесінде оқыс оқиға болған.

«Оқиға орнына жеткен кезде газ қазандығы жарылғаны белгілі болды. Бірақ өрт шықпаған. Жылыту қазандығы істен шыққан болуы мүмкін. Содан газ жиналып, әп сәтте жарылып, 84 шаршы метр болатын қабырға мен шатыры құлады. Зардап шеккен екі адам ауруханаға жеткізілді. Олардың жағдайы қалыпты»,-деп хабарлады облыстық ТЖД баспасөз қызметі.

Айта кетейік, өрт қауіпсіздігі ережесін қатаң сақтау ескертіледі. Қандай да бір оқыс оқиға болса дереу «101» «112» нөмірлеріне хабар бару керек.