BasNewsЖаңалықтар
Өскеменде рекордтық мөлшерде қар түсті
Өскеменде соңғы алты жылдың рекордтық қары 30 сағат бойы тоқтаусыз жауған. Түскен қардың биіктігі бір метрден асты. Коммуналдық қызметтер көшелерді тазалауға үлгермей жатыр, – деп хабарлайды Basnews.kz тілшісі.
Өңірдегі ауа райының қолайсыздығына байланысты жолдар жабылды, оқушылар қашықтықтан оқуға ауыстырылды, деп хабарлайды «Астана ТВ».
Қазір қалың қармен 200-ден астам коммуналдық қызметкерлер күресіп жатыр.
«Автобустар жүретін барлық негізгі магистральдар ашық, таңертең автобус құрамының 207 бірлігі шықты. Ауа-райының қолайсыздығымен біз күресеміз. Жұмыстар қаланы толық тазартқанға дейін жұмыс жалғасады», – деді Өскемен қаласы әкімінің орынбасары Денис Федченко.
Қала тұрғындары әлеуметтік желілерде қарлы тосынсыйлармен бөлісіп жатыр. Біреу қар астында билейді, біреу қар ваннасын қабылдауға тырысатын үй жануарларымен экстремалды серуенге шығады, тіпті «көлігіңізді табыңыз» деген хэштегпен челлендж ұйымдастырған.
Түнде Өскеменде ауа температурасы минус 34 градусқа дейін төмендеді. Аяз барлық мереке күндері жалғасады деп күтілуде, ал келесі аптада аймақ тағы да екі күндік қардың құрсауында қалады деп болжанған.