Алматыда мектептен оқушылар шұғыл эвакуацияланды

Алматы орталығындағы мектептен оқушылар шұғыл эвакуацияланды, – деп хабарлайды Basnews.kz тілшісі.

Алматы қалалық Полиция департаментінің мәліметінше, бүгін түскі сағат 12:00 шамасында жедел басқару орталығына білім ордасына жарылғыш зат қойылғаны туралы хабарлама түскен.

«Қаланың жедел және төтенше жағдайлар қызметтері алғашқы ден қою шаралары аясында білім мекемесінде тексеру жүргізді. Оқушылар мен ұстаздар эвакуацияланды», – делінген хабарламада.