BasNewsЖаңалықтар
Алматыда базардан өрт шықты
Оқиға орнына 3 минутта келіп жеткен өрт сөндірушілер «Сәлем» базарында екіқабатты контейнерлердің отқа оранғанын анықтады, – деп хабарлайды Basnews.kz тілшісі.
6 ақпанда сағат 21:09 уақытында Алматы қаласы ТЖД күштері мен құралдары шақырту орны – Жетісу ауданы, Бөкейханов көшесі, 508а мекен-жайына аттанды. Алғашқы өрт сөндіру бригадасы оқиға орнына 3 минутта келіп жетіп, «Сәлем» базарында екіқабатты контейнерлерінің отқа оранғанын анықтады.
Алдын ала ақпарат бойынша, өрт шалған алаң 120 шаршы метрді құрайды.
«Сағат 21.42-де өрт оқшауланды, оттың өзге контейнерлерге ұласпасы үшін алдын ала шаралар қабылданды. Зардап шеккендер мен қаза тапқандар жоқ», – делінді хабарламада.