Тоқаев Түркияға шұғыл көмек ретінде 1 миллион доллар бөлуді тапсырды

Мемлекет басшысы жер сілкінісі салдарынан зардап шеккен Түркия Республикасына шұғыл көмек ретінде бір миллион доллар бөлуді тапсырды, – деп хабарлайды Basnews.kz тілшісі.

Президент Қасым-Жомарт Тоқаев Түркияға бір миллион доллар қаржы бөледі.

Сонымен қатар, Қазақстанның өкілетті органдары түрік тарапымен бірлесіп, зілзаланың зардабын жою үшін қосымша көмек көрсету мәселесін қарастыруда.

Естеріңізге салсақ, Түркиядағы жер сілкінісінен кейін қазақстандық құтқарушылар көмекке аттанған еді.