Дезинфекция адамдар мен жануарларға қаншалықты зиян?

Дезинфекция жұмыстарының адамдар мен жануарларға қаншалықты әсер ететінін Ақпарат және қоғамдық даму министрі Дәурен Абаев айтты, деп хабарлайды BasNews.kz.

«Алматы қаласы бойынша дезинфекция орталығы заманауи препараттарды қолдануда. Олар өте қауіпті емес: адамдар мен жануарлардың денсаулығына зиян келтірмеуі керек. Ерітінді нұсқаулық бойынша дайындалады және тек рұқсат етілген препараттар ғана қолданылады. «Үйден 5 сағат бойы шығуға болмайды» деген ескерту – қауіптің алдын алу бойынша міндетті түрде орындалуы керек шара. Ол туралы да нұсқаулықта жазылған», – деді министр.