Алматыда бір апта бұрын жоғалып кеткен екі оқушы табылды

Алматыда бір апта бұрын жоғалып кеткен екі оқушы табылды, – деп хабарлайды Basnews.kz тілшісі.

Алматы полициясы 7 ақпан жоғалып кеткен екі оқушының қайда екенін анықтап, ата-анасына тапсыру үшін полиция бөлімшесіне алып келді.

«Қазір криминалдық полиция бөлімшесі із-түзсіз жоғалғандар тізімінде тұрған екі жасөспірімді тапты. Қазір олар полиция бөліміне жеткізіліп, ата-анасына тапсырылады. Олардың мекенжайы анықталды. Екеуі уақытын компьютерлік клубтарда ойнаумен өткізген», – дейді Бостандық аудандық ішкі істер бөлімінің басшысы Мақсат Қанапяев.