ШҚО-да газ баллонын толтыру станциясында жарылыс болды

Шығыс Қазақстан облысының Шемонаиха қаласында жарылыс болды, – деп хабарлайды Basnews.kz тілшісі.

ТЖМ мәліметінше, 22 маусымда Шемонаиха қаласы Украинская көшесіндегі газ баллондарына жанармай құю станциясында жарылыс болған.

Оның салдарынан өрт шығып, 5 техника өртеніп кетті. Сағат 14:44-те жалын оқшауланды.

Термиялық күйік алған 2 адам ауруханаға жеткізілді.

Тұрғын үй мен орман қорына қауіп жоқ.

Отты сөндіруге 5 автокөлік пен 12 адам жұмылдырылды.