Үйлестіру кеңесінің отырысында «Зорлық-зомбылыққа нөлдік төзімділік» саясаты жайлы айтылып өтті
Отбасындағы зорлық-зомбылық тек отбасының ғана емес, сонымен қатар мемлекет пен қоғамның да проблемасы болып табылады.
Зорлық-зомбылықтың алдын алу — бұл әр адамның азаматтық борышы. Ешкім біреудің бақытсыздығына бейжай қарамауы керек. Сондықтан да азаматтардың түрлі зорлық-зомбылықтың алдын алуға үлес қосуы үшін құқық қорғау органдарымен ынтымақтастық сезімін ояту қажет, яғни тағы да, нөлдік төзімділік қағидаларын ұстануға бастау керек.
Еліміздің үшінші мегаполисінде «Шымкент қаласы кәсіподақтар орталығы» аумақтық кәсіподақтар бірлестігі төрағасы Бауыржан Алтеевтің төралығымен Үйлестіру кеңесінің отырысы өтті.
Кеңес отырысына салалық кәсіподақтар филиалдарының және жергілікті кәсіподақтардың төрағалары, кәсіподақтар бірлестігінің қызметкерлері қатысты. Кеңес отырысында Қазақстан Республикасы Кәсіподақтар Федерациясының бастауымен өткен Бас кеңестің кезекті жиналысының қорытындысы жайлы ақпарат беріліп, Шымкент қаласы АКБ-ң 2023 жылдың бірінші жарты жылдығында атқарылған жұмыстары қорытындыланды.
Жиында сөз алған Бауыржан Ілімшаұлы еліміздің бас қаласы Астанада өткен Қазақстан Республикасы Кәсіподақтар федерациясы Бас кеңесінің отырысында көтерілген маңызды мәселелерге кеңінен тоқталып баяндап өтті. Атап айтқанда, Қазақстан Республикасы Кәсіподақтар федерациясы Бас Кеңесінің құрамы және Қазақстан Республикасы Кәсіподақтар федерациясы комиссияларының жұмысына тоқталып, Қазақстан Республикасы Кәсіподақтар федерациясы қызметінің 2020-2025 жылдарға арналған «Әділеттілік пен дамуға – бірлікте» Стратегиясын жүзеге асыру мәселесі бойынша мүшелік ұйымдардың ақпаратына және Қазақстан Республикасы Кәсіподақтар федерациясының «Зорлық-зомбылыққа нөлдік төзімділік» саясаты жайлы айтып, «Халық бюджеті» кәсіподақ жобасын өткізу қортындысы туралы мағлұмат беріп өтті. Одан өзге, Бас кеңес отырысының соңында «Халық бюджеті» кәсіподақ жобасының қорытындысы жарияланғанын алға тартты.