Отандық кәсіпкерлікті дамыту: шардаралық кәсіпкер бірнеше цехты іске қосып, бизнесін кеңейтуде
Қазіргі таңға кәсіпкер жем майдалау цехы мен автожуу бекетін іске қосты. Сонымен қатар қосымша мақта түту цехы, желімдеу және дәмхана нысандарының құрылысын жүргізуде.
Түркістан облысының әкімі Дархан Сатыбалды аудан, қала әкімдерінің жұмысын бағалауда кәсіпорындар мен зауыттар ашу индикаторы басты назарға алынатынын айтқан болатын. Осы ретте Шардарада да жұмыс жанданды.
Аудан әкімі Арман Қарсыбаевтың «әр ауыл округте шағын кәсіпорын немесе цех ашу қажет» деген тапсырмасына сәйкес, Шардара ауданына қарасты Көксу ауылының тұрғыны жеке кәсіпкер Әлтай Заур «Ауыл аманаты» жобасымен несиелендіріліп, өз кәсібін дөңгелетуде. Қазіргі таңға кәсіпкер жем майдалау цехы мен автожуу бекетін іске қосты. Сонымен қатар қосымша мақта түту цехы, желімдеу және дәмхана нысандарының құрылысын жүргізуде.
Кәсіпкердің жұмысымен танысуға аудан әкімінің орынбасары Бауыржан Шомпиев арнайы барып, Әлтай Заурдың жұмыс жоспарларын тыңдады. Сондай-ақ мемлекет тарапынан кәсіпкерлерге деген қолдауларды түсіндіріп, кәсібіне сәттілік тіледі.