Шағын және орта бизнесті белсенді қолдау – табысты экономикалық дамудың кепілі
Ұлттық статистика бюросының мәліметінше, 2024 жылдың 1 қаңтарындағы жағдай бойынша Алматы облысында 135 мыңға жуық шағын және орта бизнес белсенді субъектілері бар. Бұл кәсіпорындар облыстың 245 мыңға жуық тұрғынын жұмыспен қамтамасыз етіп отыр, бұл ШОБ (шағын орта бизнес ) субъектілерінің аймақтың экономикалық дамуына қосқан үлесі зор екенін көрсетеді.
Алматы облысында шағын және орта бизнесті дамыту мемлекеттік саясаттың басым бағыттарының бірі болып табылады. Облыста кәсіпкерлік белсенділікті ынталандыруға бағытталған түрлі бағдарламалар мен қолдау шаралары бар. Олардың қатарында несиелер бойынша пайыздық мөлшерлемелерді субсидиялау, бизнесті дамытуға гранттар беру, сондай-ақ кәсіпкерлерге кеңес беру және білім беру қызметтері кіреді.
Ісін жаңадан бастаған және инновациялық кәсіпорындарды дамыту үшін қолайлы жағдай жасауға ерекше көңіл бөлінуде. Өңірде кәсіпкерлердің заманауи технологиялар мен инфрақұрылымға қолжетімділігін қамтамасыз ететін бизнес-инкубаторлар мен технопарктер жұмыс істейді.
Алматы облысының экономикалық дамуы үшін ШОБ маңыздылығын асыра бағалау мүмкін емес. Бұл кәсіпорындар жұмыс орындарын ашуға және жұмыссыздықты азайтуға көмектесіп қана қоймай, өңір экономикасын әртараптандыруға, салық түсімдерін арттыруға және халықтың өмір сүру сапасын жақсартуға ықпал етеді.
ШОБ-ты мемлекеттік қолдау және белсенді дамыту тұрақты экономикалық өсуге, инвестициялық ахуалды жақсартуға және өңірдің бәсекеге қабілеттілігін арттыруға алғышарттар жасайды. Алматы облысы шағын және орта бизнесті дамытуға көңіл бөлудің экономикалық өркендеудің қозғаушы күшіне айналуының сәтті үлгісін көрсетіп отыр.