«Бір ауыл – бір жоба»: Алматы облысында ауыл бизнесі қалай дамып жатыр?

2024 жылдың бірінші жартысында Алматы облысындағы шағын және орта бизнес, деректерге сәйкес қарқынды өсуде.

1 тамыздағы жағдай бойынша облыста 140,6 мың ШОБ(шағын ж/е орта бизнес) субъектісі тіркелген, бұл бір жыл бұрынғы көрсеткіштен 4 пайызға артық.

Кәсіпорындар санының өсуі жұмыс орындарының артуы: бірінші тоқсанда секторда 241,2 мың адам жұмыспен қамтылған, бұл 2023 жылмен салыстырғанда 5,7%-ға артық.

Кәсіпорындар саны бойынша жетекші орындарды сауда (35,3%), ауыл шаруашылығы (22,4%) және өңдеуші өнеркәсіп (5,5%) алады.

2024 жылдың алғашқы үш айында ШОБ (шағын орта бизнесі) субъектілері өндірген өнім мен көрсетілген қызметтің жалпы көлемі 805,6 млрд теңгені құрап, өткен жылмен салыстырғанда 18,1%-ға өсті.

Шағын кәсіпкерліктің облыс қазынасына қосатын үлесі де артып келеді.

2024 жылдың бірінші жартысында ШОБ субъектілерінен 149,7 млрд теңге салық алынды, бұл өткен жылмен салыстырғанда 13,9%-ға жоғары. Облыс бюджетіне ШОБ субъектілерінен түскен түсімдердің үлесі 27,4%-ға жетті.

Алматы облысы үшін кәсіпкерлікті дамыту, басымдықтардың бірі болып табылады», – деп атап өтті облыс әкімінің орынбасары Рустам Исатаев. – Біз аймақтағы бизнестің қарқынды және тұрақты дамуы, тұрғындарды жұмыс орындарымен қамтамасыз ету және бюджетті толтыру үшін барлық жағдайды жасауға тырысамыз.

2024 жылы ШОБ – ті қолдауға 36 млрд теңге бөлінді. Қазірдің өзінде 20,1 млрд теңге игерілді, 962 жоба қаржыландырылды, жас кәсіпкерлерге 392 шағын несие берілді.

Ауылдық жерлерде кәсіпкерлікті дамытуға ерекше көңіл бөлінуде.

«Бір ауыл – бір жоба» аясында 373 ауылда 1266 кәсіпорын ашылып, 3,5 мың жұмыс орны ашылды.

20 мыңнан астам тұрғыны бар ауылдарда жекеменшік қызмет көрсету желісі белсенді дамып келеді. Қазірдің өзінде 34 қызмет көрсету орталығы жұмыс істеп, 945 жұмыс орны ашылды.

Іс-шаралар кешенінің арқасында облыстың ЖӨӨ-дегі (жалпы өңірлік өнім) ШОБ үлесі 46,5%-ға жетіп, облыстың республикалық рейтингте 4-орынға шығуын қамтамасыз етті.