Жаңалықтар

ЖАҢААРҚА АУДАНЫНЫҢ ӘКІМІ ҚР ЧЕМПИОНАТЫНЫҢ КҮМІС ЖҮЛДЕГЕРІН ҚАБЫЛДАДЫ

 

✨Ұлттық спорт түрлері бойынша облыстық балалар мен жасөспірімдер спорт мектебінің оқушысы, жерлесіміз Дәрия Жасұланқызы кезекті жетістігімен ел назарын аударды. 16-22 наурыз аралығында Талдықорған қаласында өткен пара пауэрлифтингтен Қазақстан Республикасы чемпионатында күміс жүлдегер атанған жас спортшы туған жерінде лайықты құрметке бөленді.

✨Бүгін аудан әкімі Қанат Қожықаев күміс жүлдегерін арнайы қабылдап, жеңісімен құттықтады. Кездесу барысында ол спортшының табандылығы мен ерік-жігерін жоғары бағалап, аудан намысын абыроймен қорғағаны үшін алғыс білдірді. Сонымен қатар аудан басшысы болашақта да жоғары жетістіктерге жетуіне тілектестігін білдіріп, естелік сыйлық табыстады.

✨Дәрияның бұл жеңісі – тек оның жеке жетістігі ғана емес, сондай-ақ жаттықтырушысы Ақтөре Тілеуовтің еңбегінің нәтижесі. Жас спортшы алдағы уақытта да үлкен белестерді бағындырып, ел намысын биікке көтеруге ниетті.

✨Спорт – табандылық пен қажыр-қайратты талап ететін сала. Осы орайда, Дәрия Жасұланқызының жетістігі аудан жастары үшін үлгі болары сөзсіз.

Back to top button