ҚЫЗЫЛОРДА: ҚАРМАҚШЫ ҚАРҚЫНДЫ ӨЗГЕРІСТЕР ҚАТАРЫНДА
Бүгін аудан әкімі Жандос Еркінбекұлы Төретам кентінің тұрғындарымен кездесу өткізіп, ауданда атқарылып жатқан жұмыстары мен алдағы жоспарларымен бөлісті.
Әкімнің жүйелі жұмысы аудан бюджетінен басталатыны белгілі. Жиында инфрақұрылымға қатысты өзекті мәселелерді шешу жолдарына тоқталып, ауданымызда коммуналдық шаруашылық, ауыл шаруашылығы және әлеуметтік салалар бойынша жүзеге асырылып жатқан біршама жобаларға тоқталды.
Өзекті мәселелерді шешуге қажетті аудан бюджетінің толықтырылуы, оның жыл басында бекітілген 12.2 млрд теңгеден 21.1 млрд теңгеге артқаны көңіл көншітеді.Өткен жылмен салыстырғанда аудан бюджеті 73.4% пайызға ұлғайған. Макроэкономикалық көрсеткіштер де жаман емес. Кәсіпкерлік сала бойынша шағын және орта кәсіпкерліктің дамуын басты назарда ұстай отырып, 33 жоба несиелендірілгенін жеткізді. Оның ішінде «Ауыл аманаты» бағдарламасы аясында 20 жобаға несие берілген. Ауданымыздың білім беру саласының жүйелі жұмыстарының нәтижесінде облыс бойынша алдыңғы қатарда. 2024-2025 оқу жылында *14 928* оқушы білім алса, 766 мектеп бітіруші түлектің 90,6 % пайызы ҰБТ-ға қатысты. 54 түлек «*Алтын белгі*» және 48 түлек «*Үздік куәлік*» иеленді. 2 оқушымыз *138 балл* иеленіп мәртебемізді облыс деңгейінде еселеді. Сонымен қатар, білім саласындағы қуанышты жаңалық ерекше білімді қажет ететін оқушыларға аудандық бюджеттен 25 млн.теңгеге психологиялық-педагогикалық түзету орталығына ғимарат алынып, пайдалануға берілді.
Ауданымыздың денсаулық саласы да бірқатар жағымды жаңалықтармен толықты. Заманауи құрылғылармен толығып қана қоймай, 5 жаңа жедел жәрдем көлігі берілді.
Спорт саласы үшін биылғы жыл жетістіктерге толы жыл болды. Жерлестеріміз Алтын, қола, күміс жеңімпаздары атанды. Бұл салаға «Ауыл-Ел бесігі» бағдарламасы аясында біршама жұмыстар атқарылды. Оның ішінде Төретам кентіне футбол алаңына 28,6 млн қаржы бөлініп, жеңімпаз мердігермен келісім шарт жасалды.Мәдениет саласы бойынша ауданымызда 34 мәдениет ұйымы болса, 120 үйірме жұмыс жүргізуде. Бұл сала да республикалық сайыстарда жеңімпаз аталып, нәтижелі жұмыс көрсетуде.Газдандыру жұмыстары бойынша ауданымыздың 78 % пайызы көгілдір отынмен қамтамасыз етілген.Жол инфрақұрылым бойынша автомобиль жолдарын жөндеу және күтіп ұстау жұмыстарына үш деңгейлі бюджеттен қаржыландырылып, қарқынды жұмыстар жүргізілуде. Біршама елді мекендерде жол инфрақұрылымына қатысты жұмыс жүргізілуде екенін жеткізді.
Кездесу барысында тұрғындар тарапынан түйкілді болған өзекті мәселелеріне қатысты сұрақтар көтерілді. Аудан әкімі әрбір сұрақты мұқият тыңдап, бірқатар мәселелер бойынша нақты жауаптар беріп, тиісті бөлім басшыларына тапсырмалар жүктелетінін жеткізді. Халықпен осындай форматтағы кездесулер алдағы уақытта да жалғасын таба берсін.
