Мереке күндері бес облыста қатты аяз болады
Аяздың көтерілуіне байланысты еліміздің бес өңірінде ескерту жарияланды, деп хабарлайды BasNews.kz Қазгидрометке сілтеме жасап.
30 желтоқсанда Солтүстік Қазақстан облысында температура күрт төмендеп, 27-32 градусқа дейін аяз көтеріледі, 31 желтоқсаннан 1 қаңтарға қараған түнде аяз 30-35 градусқа дейін, кей жерлерде 38 градусқа дейін көтеріледі.
31 желтоқсан 1 қаңтар аралығында Ақмола, Павлодар облыстарында ауа температурасы 30-35 градусқа күрт төмендейді, облыстың солтүстігінде 38 градусқа дейін аяз болады.
31 желтоқсанда Қарағанды облысында ауа температурасы 25-30, кей жерлерде 35, 1 қаңтарда 30-35, кей жерлерде 39 градусқа дейін төмендейді.
1 қаңтарда Шығыс Қазақстан облысында ауа температурасы 31-36 градусқа төмендейді, кей жерлерде 39 градус аяз.
Қатты аяз кезде техногендік өрт көбейіп, халықтың тіршілігін қамтамасыз етудің коммуналдық жүйеде авария шығуы, көліктің бұзылу көбеюі мүмкін. Сонымен қатар үсіп қалу, авариялық-қалпына келтіру жұмысын жүргізу барысында пәтердердегі жағдайдың нашарлау ықтималдығы бар.
Осыған байланысты, Төтенше жағдайлар министрлігі ауа температурасы өте төмен болған кезде далаға шықпауға, балаларды көшеге шығармауға кеңес береді.
* Ескерту жарияланғаннан кейін туыс-көршілеріңізді ескертіңіз, өйткені олар бұл туралы хабарсыз болуы мүмкін.
* Қатты аяз болған жағдайда далаға шықпаңыз, жеке автокөлікпен ешқайда бармаңыз.
* Егер сізге әлі де сыртта жүру керек болса, үсіп қалмас үшін қолыңыздан келгеннің бәрін жасауға тырысыңыз.
* Аязды күні далаға қолғапсыз, бас киімсіз және мойынорауышсыз шықпаңыз. Су және суық өткізбейтін, іші жылы қолғап киген дұрыс. Үскірік соғып тұрғанда сыртқа шықпас бұрын, дененің ашық жерлерді арнайы креммен майлаңыз.
* Аязда металдан (соның ішінде алтын, күміс) жасалған әшекей – сақина, сырға және т.б. тақпаңыздар. Біріншіден, металл тез суық тартады, теріге жабысып, адам жарақат алуы мүмкін. Екіншіден, саусақтағы сақиналар қалыпты қан айналымын тежейді. Жалпы, аязда денеге темірді тигізбеуге тырысыңыз.
* Желден қорғану керек, себебі үскірікте үсіп қалу ықтималдығы әлдеқайда жоғары.
* Табаны таймайтын аяқ киім киіңіз, қажет болған жағдайда табанға жабысқақ лейкопластырь жапсырыңыз.
Қатты аяз және көктайғақ кезіндегі жол аса қауіпті орынтабылады.