Жаңа құрам бекітілгенге дейін Үкімет өз міндеттерін атқаратын болады – Жарлық
Қазақстан Республикасы Үкіметінің жаңа құрамы бекітілгенге дейін Үкімет өз міндеттерін атқаратын болады. Президент Қасым-Жомарт Тоқаевтың арнайы жарлығы шықты, деп хабарлайды BasNews.kz.
***
Қазақстан Республикасының Үкіметі туралы
Қазақстан Республикасы Конституциясының 70-бабының 1-тармағына, «Қазақстан Республикасының Үкіметі туралы» Қазақстан Республикасы Конституциялық заңының 4-бабына сәйкес жаңадан сайланған Қазақстан Республикасы Парламенті Мәжілісінің алдында Қазақстан Республикасы Үкіметінің өкілеттігін доғаруына байланысты ҚАУЛЫ ЕТЕМІН:
1. Қазақстан Республикасы Үкіметінің жаңа құрамы бекітілгенге дейін Қазақстан Республикасының Үкіметі өз міндеттерін атқаратын болсын.
2. Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті Қ.Тоқаев
Нұр-Сұлтан, Ақорда, 2021 жылғы 15 қаңтар
№ 491