Бәсекелестікті дамытудың 2025 жылға дейінгі ұлттық жобасы жасалды
Мемлекет басшысының тапсырмасымен Бәсекелестікті қорғау және дамыту агенттігі бәсекелестікті дамытудың 2025 жылға дейінгі ұлттық жобасын дайындады, деп хабарлайды BasNews.kz.
Күтілетін жиынтық экономикалық тиімділік 2,6 триллион теңгеден асады. Мұндай көрсеткішке мыналардың есебінен қол жеткізу жоспарланып отыр:
– 1,9 трлн теңгеден астам сомаға негізгі тауарларды бәсекелестік биржалық негізде сату;
– көтерме сауда нарығында электр энергиясын сатып алу кезінде тұтынушылардың шекті шығындарын 18 млрд-тан астам теңгеге қысқарту;
– бәсекелес орталықтандырылған сауда-саттықта электр энергиясын 350 млрд теңгеден астам сомаға өткізу;
– басқа да іс-шаралар.
Құжат жобасы 5 сәуірге дейін жалғасатын жария талқылауларға арналған Ашық НҚА ашық үкімет порталында жарияланды.