BasNewsЖаңалықтар
Нұр-Сұлтанда жылыту маусымы қашан аяқталатыны белгілі болды
Нұр-Сұлтанда жылу 29 сәуірде өшіріледі. Бұл туралы қалалық әкімдіктің баспасөз қызметі мәлімдеді, – деп хабарлайды BasNews.kz ақпарат порталы Tengrinews.kz сілтеме жасап.
Елордада жылыту маусымын аяқтау туралы шешім күнтізбелік бес күн ішінде ауаның тұрақты орташа тәуліктік температурасы +10 градус және одан жоғары болған жағдайда қабылданады.
Еске салайық, Нұр-Сұлтанда 2020-2021 жылғы жылыту маусымы 2020 жылдың қыркүйегінде ауа райының күрт салқындауына байланысты мерзімінен бұрын басталған еді.
Ал өткен жылыту маусымы 2020 жылдың 21 сәуірінде аяқталып, 205 күнге созылды.