BasNewsЖаңалықтар

Ақтөбе облысында жол апаты болып, екі мектеп директоры қаза тапты

Ақтөбеде жол апаты болып, екі мектеп директоры көз жұмды, деп хабарлайды BasNews.kz.

Ақтөбе облыстық полиция департаменті баспасөз қызметінің хабарлауынша, оқиға кеше сағат 20:20-да болған. Ойыл ауданының 102 телефонына Ойыл-Қобда автожолының 156 шақырымында көліктің аударылғаны туралы хабарлама түсіп, салонда жүргізушіні қоса алғанда 4 әйелдің болғаны айтылды.

«Тoyota Land Cruiser Prado көлігігің жүргізушісі Ойыл ауылынан Қобда ауылына қарай бағыт алып, жол қозғалысы ережесін бұзып, көлікті басқара алмай қалған. Автокөлік сол жаққа қарай аударылды. Нәтижесінде жүргізуші мен бір жолаушы алған жарақатынан оқиға орнында көз жұмды. Тағы екі жолаушы бірнеше жарақатпен Ойыл аудандық орталық ауруханасына жатқызылды. Аталған дерек бойынша ҚР ҚК 345-бабы 3-бөлігі бойынша сотқа дейінгі тергеу басталды»,- деді облыстық ПД баспасөз қызметінің жетекшісі Ерболат Сарқұлов.

Айта кетейік, көлік жүргізушісі де, жолаушылар да Ақтөбе қаласындағы мектептердің директоры. Қазір зардап шеккен екі әйел ауруханада жатыр.

Back to top button
Close