Бокстан Қазақстан құрамасының жаңа бапкері тағайындалды
Бокстан Қазақстанның ерлер және әйелдер құрамаларының жаңа бас бапкері тағайындалды, – деп хабарлайды Basnews.kz.
Бұдан былай Ұлттық құраманы Қайрат Сәтжанов басқарады. Ол бұл лауазымда 2018 жылдан бері команда тізгінінде жүрген Ғалымбек Кенжебаевты алмастырды.
2019 жылы Сәтжанов Қазақстан жастар құрамасының аға жаттықтырушысы болып тағайындалды. Екі жыл ішінде оның шәкірттері Азия чемпионаттарында екі рет командалық есепте жеңіске жетті (2019 – 6/1/2, 2021 – 8/2/2) және әлем чемпионатында екінші орын алды (2021 – 2/2/1).
Бокстан Қазақстан әйелдер құрамасының да бас бапкері ауысты. Өз еркімен кеткен Ерік Алғабектің орнына Шамиль Сафиуллин келді. Ерік Алғабек команда тәлімгері қызметінде екі жыл болды. Осы уақыт ішінде 2019 жылғы әлем чемпионатында команда екі қола медальға, 2020 жылғы Азия іріктеу турнирінде бір олимпиадалық лицензияға ие болды және 2021 жылғы Азия чемпионатының командалық есебінде (8/1/1) жеңіске жетті.