Мағзұм Мырзағалиев энергетика министрі болып тағайындалды

Мағзұм Мырзағалиев энергетика министрі болып тағайындалды, деп хабарлайды Basnews.kz тілшісі.

адрлық тағайындау туралы жарлық Ақорда сайтында жарияланды.

Мырзағалиев Мағзұм Маратұлы Қазақстан Республикасының Экология, геология және табиғи ресурстар министрі қызметінен босатылып, Қазақстан Республикасының Энергетика министрі болып тағайындалсын, делінген Жарлықта.

Бұған дейін бұл қызметті Нұрлан Ноғаев атқарған болатын. Ол 7 қыркүйекте Маңғыстау облысының әкімі болып тағайындалды.

2019 жылдан бастап бүгінге дейін Мырзағалиев ҚР Экология, геология және табиғи ресурстар министрлігін басқарып келді.