Нұр-Сұлтан көпіріндегі жол апаты: 18 жастағы қыз ауыр жағдайда жатыр

Нұр-Сұлтандағы көпірде болған жол апатынан аман қалған жалғыз адамның жағдайы ауыр. Бұл туралы академик Батпенов атындағы травматология және ортопедия ұлттық ғылыми орталығы мәлім етті, – деп хабарлайды Basnews.kz тілшісі.

«Кеше болған жантүршігерлік жол апатынан зардап шеккен 18 жастағы қыз ауыр халде. Науқастың омыртқасы сынған және травматикалық шок алған. Оған шұғыл түрде ота жасалды. Бүгінде жағдайы ауыр», – деді дәрігерлер.

Еске салайық, Нұр-Сұлтанда Toyota Camry автокөлігінің 19 жастағы жүргізушісі Есіл өзені арқылы өтетін көпірден Сарайшық көшесіне қарай жүріп, жылдамдық режимін сақтамағандықтан рөлді басқара алмай қарсы қозғалыс жолағына шығып, Nexıa Ravon автокөлігімен соқтығысқан болатын.