BasNewsЖаңалықтар

Қазақстандықтардың шағымынан кейін дизель отынының сапасы тексерілді

«ҚазМұнайГаз» ұлттық компаниясының баспасөз қызметі автокөлік иелерінің жаппай шағымынан кейін дизель отынының сапасын тексерген видео көрсетті, – деп хабарлайды Basnews.kz.

«Қазақстандықтардың дизель отынының сапасы туралы шағымынан кейін мұнай өңдеу зауыттарында зертханалық жұмыстар жүргізіліп, маусымдық дизель отыны қандай температурада қату керек екені анық көрсетілді.

Шымкент мұнай өңдеу зауытында сүзгіден өтуі мен қату температурасын талдау үшін сертификатталған құрылғыларда сынақтар жүргізілді. Нәтиже қорытындысында Шымкент зауытында шығарылатын дизель отыны минус 15 градус орташа температурада қататыны, ал сүзгілеу температурасы минус 7 градуста және минус 5 градустан жоғары болмайтын температурада жүзеге асатыны көрсетілді», – деді ҚМГ баспасөз хатшысы Қанат Құлшманов.

Оның айтуынша, Атырау мұнай өңдеу зауытында дизельді минус 1 градус температурада бір түн көшеде қалдырып, «халықтық» әдіспен сынақ жүргізген. Зерттеу нәтижесінде Құлшманов Атырау дизель отыны барлық температура стандартына сәйкес келетінін мәлімдеген.

«Зауытта дизель отынының сапасын бақылау жөнелту кезінде партияға паспорт беру арқылы жүзеге асырылады, бұл «арбитраждық» сынамаларды іріктеумен қатар жүреді. Әрбір партияның үлгісі МӨЗ-де сақталады және шағым жасалған жағдайда бүкіл партияның сапасын растайды. Осы уақытқа дейін МӨЗ-ге қатысты ешқандай шағым болған жоқ», – деп толықтырды.

 

Back to top button