BasNewsЖаңалықтар

Шымкент тұрғыны жүргізуші куәлігін сатып аламын деп, алаяқтың құрбаны болды

Шымкентте заңсыз жолмен жүргізуші куәлігін жасатқысы келген  азаматтың былығы әшкереленді, – деп хабарлайды Polisia.kz.
19 жастағы Шымкент тұрғыны жүргізуші куәлігін сатып алғысы келіп, өзі алаяқтың құрбаны болғанын айтып полицияға жүгінді. Ер адам жүргізуші куәлігін оқу курсын оқымай және емтихан тапсырмай, жеңіл жолмен заңсыз алғысы келген.
Күдікті аталған рәсімдерсіз-ақ 2 апта ішінде жүргізуші куәлігін алып беремін деп, қызметін 65 000 теңгеге бағалаған. Алайда, белгіленген мерзімде құжаттар дайын болмай, күдікті байланысқа шықпай қойған.

Жәбірленушінің өтінішінен кейін көп ұзамай қаскүнем ұсталды, ол 40 жасар қала тұрғыны болып шықты. Жайт бойынша ҚР Қылмыстық Кодекстің 190-бабының 1-бөлігі бойынша сотқа дейінгі тергеп-тексеру амалдары басталды.Күдіктіге қатысты ешқайда кетпеу туралы қолхат түріндегі бұлтартпау шарасы қолданылды.

Басқа жаңалықтар

Back to top button