Коронавирус Ресейге де жетті

Италиядан оралған Ресей азаматынан коронавирус инфекциясы табылды, деп хабарлайды ТАСС.

Дерт жеңіл формада сипат алған.

2 наурызда Ресейге сырттан коронавирус жеткені расталды, оны Италиядан оралған Ресей азаматы әкелген. Ол дерттің жеңіл формада өрбіп жатқанын айтты, делінген хабарламада.

Эпидемиологиялық зерттеу нәтижелері бойынша, жас жігіт Италияда демалыста болғанда ауырып қалған, деп жазады РИА Новости. Ресейге 23-ші күні оралған ол Мәскеу облысында жер үйде тұрады екен. Бірнеше күннен кейін ол ЖРВИ белгілерімен жергілікті емхананың қызметіне жүгінген, сол жерден ол жұқпалы аурулар ауруханасына жеткізілді.

Болжам бойынша, бұл Мәскеуден Миланға ұшқан Ресей футбол одағының қызметкері Давид Беров туралы болуы мүмкін. «Новая газетаның» хабарлауынша, Беровтың өзі бұл диагноз туралы ештеңе білмейді.