Елорда тұрғыны терезеден жайма арқылы түспек болып, құлап кетті

Нұр-Сұлтанда ер адам тоғызыншы қабаттың терезесінен жайма арқылы түспек болып, қайтыс болды, – деп хабарлайды Basnews.kz тілшісі қалалық Полиция департаментіне сілтеме жасай отырып.

Оқиға 26 қаңтарда Құдайбердіұлы даңғылында болған.

«Оқиға орнына жеткен полиция қызметкерлері 59 жастағы ер адамның мәйітін тапты. Оның 9-қабаттың балконынан төмен түсуге тырысқаны анықталды», – деді полиция қызметкері.

Бұл дерек бойынша қылмыстық іс қозғалды. Тергеу амалдары жүргізіліп жатыр.

Полиция қызметкері ер адам бір-біріне байланған жайма арқылы төмен түсуге тырысқанын растады.