Президенттің эксклюзивті сұхбаты тікелей эфирде көрсетіледі

Бүгін сағат 20:00-де «Хабар» және «Хабар 24» телеарналарынан Мемлекет басшысы Қасым-Жомарт Тоқаевтың эксклюзивті сұхбаты көрсетіледі, – деп хабарлайды Basnews.kz тілшісі.

Бұл туралы Президенттің баспасөз хатшысы Берік Уәли мәлім етті.

«Бүгін сағат 20:00-де «Хабар» және «Хабар 24″ телеарналарынан мемлекет басшысы Қасым-Жомарт Тоқаевтың эксклюзивті сұхбаты көрсетіледі.

Президент қоғамды алаңдатқан қасіретті қаңтар оқиғасының себептері мен салдары, алдағы саяси және әлеуметтік реформалар, Қазақстанның сыртқы саясаттағы негізгі серіктестерімен қарым-қатынастары туралы сауалдарға жауап береді», – делінген хабарламада.