Алдағы күндері -28 градусқа дейін аяз болады

Алдағы үш күнде елімізде аязды ауа райы болады, – деп хабарлайды Basnews.kz тілшісі.

«Алдағы үш тәулікте Қазақстанның солтүстік жартысы Солтүстік-Батыс антициклонның ықпалында болады, осыған байланысты аязды, жауын-шашынсыз ауа райы күтіледі», деп хабарлады «Қазгидромет».

Түнде термометрдің бағандары 20-28 градус аязға жетеді.

Оңтүстікте жылы, бірақ қатты жауын-шашын болады, қар мен жаңбыр жауады.

«Елдің оңтүстік жартысы оңтүстік циклонның және онымен байланысты атмосфералық фронттардың ықпалында болады. Жауын-шашын, кейде қатты желдің күшеюі, көктайғақ және ауа температурасының күндіз 0-10 жылыға дейін, түнде 0-10 аязға дейін төмендеуі күтіледі», деп хабарлады синоптиктер.

Сондай-ақ Республика бойынша тұман болады.