Демалыс күндері еліміздің жеті аймағында күн райы бұзылады

Демалыс күндері Қазақстанның бірқатар өңірінде ауа райына байланысты ескерту жарияланды, деп хабарлайды Basmews.kz ақпарат порталы «Қазгидрометке» сілтеме жасап.

8 наурызда тәулік бойы Түркістан облысының кей жерлерінде солтүстік-шығыстан соғатын желдің күші 18-23, таулы аудандарда 27 м/с. Ал екпіні 30 м/с және одан да жоғары болады.

8-9 наурызда Ақмола облысының кей жерлерінде жаяу бұрқасын сақталады. Оңтүстік-батыстан жел соғады, кей жерлерде күші 15-20 м/с, екпіні 23-28 м/с деңгейінде күтіледі.

8 наурызда Нұр-Сұлтан қаласында оңтүстік-батыстан жел соғады, екпіні – 15-18 м/с.

8 наурызда Солтүстік Қазақстан облысының кей жерлерінде жаяу бұрқасын болуы ықтимал. Оңтүстік-батыстан жел соғады, күші 15-20, екпіні 23-28 м/с деңгейінде болады.

Сол күні Петропавл қаласында түнде жаяу бұрқасын күтіледі. Оңтүстік-батыстан жел соғып, жылдамдығы 25 м/с жетеді.

8 наурызда Қостанай облысының кей жерлерінде тұман түсуі мүмкін. Оңтүстік-батыстан жел соғады, күші кей жерлерінде 15-20 м/с.

Мереке күні Қостанай қаласында оңтүстік-батыстан жел соғады, екпіні 15-20 м/с болуы ықтимал.

8 наурызда Маңғыстау облысында кейбір жерлерде шаңды дауыл күтіледі. Оңтүстік-шығыстан соққан желдің күші 15-20 м/с жетеді.

8 наурызда Қызылорда облысының кей жерлерінде шаңды дауыл сақталады. Жел солтүстік-шығыстан, шығыстан соғады, оның күші кей жерлерде 15-20 м/с деңгейінде болуы ықтимал.

Қызылорда қаласында шаңды дауыл сақталады. Жел солтүстік-шығыстан соғады, екпіні 15-20 м/с шамасында болады.