83,7 млн-ды жымқырды деп айыпталған облыс әкімінің орынбасары ақталды

Әкімнің орынбасары мен шаруа қожалығының директоры бюджет қаржысын талан-таражға салды деп айыпталған болатын, – деп хабарлайды Basnews.kz тілшісі

Облыс әкімнің орынбасары Қайрат Нұрлыбаев 83 миллион 700 мың теңге көлеміндегі инвестициялық субсидияларды «Бұйырғын» ауыл шаруашылығы өндірістік кооперативіне заңсыз төлеген.

Прокурор Нұрлыбаевты ҚК 189-бабының 4-бөлімімен (Аса ірі көлемде сенiп тапсырылған бөтен мүлiктi иемденiп алу немесе талан-таражға салу) кінәлі деп тауып, 10 жылға бас бостандығынан және өмір бойы мемлекеттік қызметте жұмыс істеу құқығынан айыруды сұраған болатын. Бірақ Атырау қалалық №2 соты әкім орынбасары мен оның сыбайласын ақтады.