Алматы-Өскемен тас жолында көлік апатынан төрт адам қаза тапты

Алматы облысында жантүршігерлік жол апатынан 4 адам мерт болды, – деп хабарлайды Basnews.kz тілшісі.

Облыстық полиция департаменті баспасөз қызметінің мәліметінше, Алматы – Өскемен тас жолының 110-шақырымында Toyota Windom мен Lexus LX 570 соқтығысқан. Салдарынан 4 адам қаза тауып, 1 адам жарақат алды.

«Көліктердің бірі бұрылып жатқанда қарсы бағытта келе жатқан екіншісі келіп соғылған. Оқиға орнында Toyota Windom көлігінің 21 жастағы жүргізушісі мен 3 жолаушы көз жұмды. Сондай-ақ Қапшағай ауруханасына түрлі жарақатпен 50 жастағы әйел жеткізілді», – деп жазылған хабарламада.

Тиісті сараптамалар тағайындалды. Бұл дерек бойынша тергеу Қылмыстық кодекстің 345-бабы бойынша жүргізіледі.