Пәкістан үкіметі отставкаға кетті
Пәкістан премьер-министрі Имран Хан министрлер кабинетін таратып жіберді. Бұл туралы ақпарат және телерадио хабар таратудың мемлекеттік министрі Фаррух Хабиб мәлімдеді, – деп хабарлайды Basnews.kz тілшісі РИА Новости порталына сілтеме жасап.
«Премьер-министр Конституцияның 224-бабына сәйкес міндеттерін орындауды жалғастырады. Министрлер кабинеті таратылды», – деп жазды министр Twitter-де.
آئین کے آرٹیکل 224 کے تحت وزیر اعظم اپنی ذمہ داریاں جاری رکھیں گے کابینہ تحلیل کر دی گئ ہے
— Farrukh Habib (@FarrukhHabibISF) April 3, 2022
Жексенбіде Пәкістан премьер-министрі Имран Хан президентке парламентті таратуды ұсынған болатын. Ол мәлімдемесін парламенттің бүгінгі отырысына төрағалық еткен Ұлттық ассамблеяның вице-спикері Касим Сури премьер-министр Имран Ханға сенімсіздік білдіруді қабылдамай, оны Конституцияның 5-бабына қайшы деп атағаннан кейін жасады.
«Ешқандай шетелдік күштің сайланған үкіметті қастандық арқылы құлатуға құқы жоқ», – деді Ұлттық ассамблеяның вице-спикері Касим Сури.