BasSport «Ауыл футбол» жобасының ресми ақпараттық серіктесі болды
«Bas Media Group» ЖШС «Арман Ауыл» жеке қорымен ақпараттық ынтымақтастық туралы келісім жасасты, – деп хабарлайды Basnews.kz тілшісі.
Салтанатты жағдайда порталдың басшысы Жігер Азбергенов пен қордың жетекішісі Серік Мәмбетов меморандумға қол қойып, іс-шаралар мен жобалар кешені бойынша ұзақ мерзімді және жемісті ынтымақтастықтың негізін қалады.
Атап айтқанда, BasSport ақпараттық порталы «Ауыл футбол» жобасының ресми ақпараттық серіктесі мәртебесін алып, осы күннен бастап оның қызметі жайлы жаңалықтарды өз ресурстарында жариялайтын болады. Сондай-ақ, достық кездесу барысында екі тарап жақын болашаққа жоспарларды талқылап, бірқатар стратегиялық маңызды бірлескен жобаларды белгіледі.
Естеріңізге сала кетейік,» Ауыл футболы » жобасы ауыл спортын дамытуға бағытталған. Екі жыл ішінде демеушілер мен қоғам белсенділерінің арқасында бұл идеяға Қазақстанның түкпір-түкпірінен 50 ауылдан құралған командалар қосылды. Ал бұл 1200 жас спортшы. Сондай-ақ еліміздің шалғай ауылдарында 10-ға жуық футбол алаңдары салынды.