Аудандағы кәсіпкерлік нысандар аумағын абаттандыру жұмыстары қадағалануда
Шымкент қаласы аумағын абаттандыру қағидасының 10-тармағының 1 тармақшасы /барлық ұйымдық-құқықтық нысандардың және заңды тұлғалары, оның ішінде күрделі және уақытша объектілер дербес өз қаражаты есебінен немесе ұйымдармен шарт жасасу жолымен бөлінген аумақты санитариялық күтіп-ұстауды, абаттандыруды қамтамасыз етеді/, 97 тармағы /ғимараттар мен құрылыстардың қасбеттерін күтіп-ұстау/, 98 тармағы /өз еркімен ғимараттардың қасбеттерін және олардың конструктивтік элементтерін қайта жабдықтауға жол берілмейді/, 102 тармағы /дүкендер мен кеңселердің беткі жақтары және жұмыс жағдайында ұсталуы керек, қажет болған жағдайда жеке элементтері теңгерім ұстаушымен жөнделеді және сырланады/ бойынша аудан аумағындағы кәсіпкерлік нысандар аумағының талапқа сай толық абаттандырылу және көгалдандыру жұмыстарына мониторинг жұмыстары жүргізілді.
Ауданда орналасқан кәсіпкерлік нысандарға жүргізілген мониторинг барысында ірі және шағын мейрамханалар, дәріханалар мен азық-түлік маркеттері, сауда үйлері аумақтарының басым бөлігінде толығымен келушілерге қолайлы жағдай жасалып, абаттандыру мен көгалдандыру жұмыстары жүргізілгендігі анықталды.
Сондай-ақ, кемшіліктер орын алған кәсіпкерлік нысан иелеріне ескерту беріліп, алдағы уақытта нысан ауласын қала аумағын абаттандыру қағидаларының негізгі талаптарына сай жүйелеп, абаттандыру жұмыстарын жандандыру жүктелді.
Көгалдандыру, тал егіп, оны күтіп-баптау баршамызға ортақ іс болуы тиіс. Өйткені, бүгінгі біздің еккен ағаштарымызды болашақта біздің ұрпағымыз саялайтын болады. Қала тұрғындарын жаппай көшет отырғызып, тазалық жұмыстарын жүргізуге шақырамыз. Тазалық – бірінші кезекте өз денсаулығымызды сақтауға септігін тигізсе, көшет отырғызу – жасыл белдеу қалыптастырудың негізі.
ҚҰРМЕТТІ АУДАН КӘСІПКЕРЛЕРІ!!! БАРШАҢЫЗДЫ ӨЗ КӘСІПКЕРЛІК НЫСАН АУМАҒЫН ҚАҒИДА ТАЛАПТАРЫНА СӘЙКЕС АБАТТАНДЫРЫП ЖӘНЕ КӨГАЛДАНДЫРУ ЖҰМЫСТАРЫН ЖҮРГІЗУГЕ ШАҚЫРАМЫЗ! ҚАЛА МӘРТЕБЕСІН БІРГЕ АСҚАҚТАТЫП, КӨРКЕЮІНЕ АТСАЛЫСАЙЫҚ!!!