«Бізді алып кетіңіздерші!». Түркиядағы қазақстандық студенттер көмек сұрайды

Түркияда білім алып жатқан қазақстандық студенттер тез арада елге қайтқылары келетінін айтып, көмек сұрайды, деп хабарлайды BasNews.kz.

Бұл туралы студенттердің бірі – Айгүл Болатова өзінің instagram парақшасында жазды.

….Біз, қазақстандық студенттер бір аптадан бері жатақханаларымызда карантинде отырмыз. Ешқайда шықпаймыз. Бірақ өкінішке орай бұндай жағдайда жатақханада отыру қауіпті және жағдайлары көңіл көншітпейтін студенттер де бар. Арамызда 17 жасқа толмаған, лицейлерде оқитындар да бар, – деп жазды ол.

Студенттер еліміздің Анкарадағы елшілігімен байланыста екендерін айтады. Елге қайтқысы келетіндер тізімі де жасалған.

Жағдай ушықпай тұрғанда үйге қайтқымыз келеді. Себебі таяу арада Түркия шекараларын жабуы мүмкін. Қазақстанда да Астана  мен Алматы қалалары 23 наурыздан бастап карантинге жабылады, – делінген жазбада.
⠀

https://www.instagram.com/p/B9-voBuBCvg/?utm_source=ig_web_copy_link