Тұмауға қарсы екпе салдырған адам коронавирустан тез айыға ма? ДСҰ жауабы

Маусымдық тұмауға қарсы екпе салдырған адамдар коронавирустың жаңа түрін жеңіл өткізетіні туралы хабарламаны Дүниежүзілік денсаулық сақтау ұйымы растамады, – деп хабарлайды BasNews.kz ақпарат порталы РИА Новости-ға сілтеме жасап.

Дүниежүзілік денсаулық сақтау ұйымының ресми өкілі Тарик Язаревичтің айтуынша, бұл дерек ғылыми түрде дәлелденбеген.

Бұған дейін Қытайдың денсаулық сақтау министрлігінің өкілі жапонның тұмауға қарсы «Фавипиравир» деген препараты коронавирустың жаңа түрін емдеуде жақсы әсер еткенін мәлімдеген.

Еске салайық, COVID-19 туралы ақпарат былтыр желтоқсанынның аяғында пайда болған. Бүгінде коронавирустың жаңа түрін әлем бойынша 234 мыңға жуық адам жұқтырып, 10 мыңға жуық адам қайтыс болған.