Дикий Арманды қамауға алу мерзімі тағы ұзарды

Дикий Арман лақап атымен танымал Арман Жұмагелдиевті қамауға алу мерзімі 2023 жылдың 7 қаңтарына дейін ұзартылды, – деп хабарлайды Basnews.kz тілшісі Алматы қалалық сотының ресми өкілі Абай Жарылқасынға сілтеме жасап.

Оның айтуынша, 6 желтоқсанда Мамандандырылған ауданаралық тергеу соты шешім шығарған.

«Алматы Мамандандырылған ауданаралық тергеу сотының 2022 жылғы 6 желтоқсандағы хабарламасы бойынша, сот қаулысымен тергеу органдарының Д.-ға қатысты қамауда ұстау мерзімін 12 айға дейін, яғни 2023 жылғы 7 қаңтарға дейін ұзартуға санкция беру туралы өтініші қанағаттандырылды», – делінген хабарламада.