Екібастұзда жылу желісінің зақымдалуына байланысты кей үйлерде жылу өшіріледі

Екібастұзда жылу желісіндегі апатқа байланысты көпқабатты және жеке үйлердің кейбірінде жылу өшіріледі, – деп хабарлайды Basnews.kz тілшісі Pavlodarnews.kz басылымына сілтеме жасап.

«Екібастұзжылуэнерго» ЖШС мәліметінше Момышұлы, 69 мекенжайындағы үй маңында квартал ішілік жылу желісі зақымдалған. Желіні жөндеу үшін бірнеше сағат керек.

«Осыған байланысты 29 желтоқсанда 9:00-17:00 аралығында Момышұлы көшесі, 65, 67, 69, 71, 73, 79, 81, 83/13, 83а мекенжайындағы көпқабатты үйлер мен Наурыз көшесі, 16, 160, Момышұлы көшесі, 66а, 71, 75а, 756, 79а мекенжайы бойынша жеке үйлер мен Момышұлы көшесі, 83/13, 85/12 мекенжайындағы заңды тұлғаларда жылу өшіріледі», – делінген хабарламада.