BasNewsЖаңалықтар

Сенатор Гүлмира Кәрімованың неден қайтыс болғаны белгілі болды

Cенатор Гүлмира Кәрімованың өліміне қатысты сот-медициналық сараптаманың алдын ала қорытындысы жарияланды, – деп хабарлайды Basnews.kz тілшісі.

Бұл қорытындыны Астана қаласы Қоғамдық денсаулық сақтау басқармасы жария етті.

«Сот-сараптамалық зерттеудің алдын-ала нәтижелері бойынша науқас өлімінің тікелей себебі – жедел миокард инфарктісі болып табылады. Анафилактикалық шок ықтималдылығы туралы күдік расталмады. Сондай-ақ, жедел жәрдем бригадасы оқиға орнына дер кезінде жеткенін атай кеткіміз келеді, бұл 5 минут уақытты алды. Бригада оқиға орнына жеткенде, өкінішке орай, науқас өмір белгілерін танытпады. Яғни, ес-түсін жоғалтқан, тамыр соғысы білінбеген, тынысы болмаған. Соған қарамастан, реанимациялық іс-шаралар өткізілді, бірақ одан нәтиже болмады. Марқұмның туғандары мен жақындарына шын жүректен көңіл айтамыз», делінген Астана қаласы Қоғамдық денсаулық сақтау басқармасының хабарламасында.

Айта кетсек, 27 қаңтарда 45 жасқа қараған шағында жаңадан сайланған сенатор Гүлмира Кәрімованың кенеттен дүниеден озғаны туралы қаралы хабар тарады.

Back to top button