Өмірлік қиын жағдайға тап болған аналар құқықтық кеңестер алды
Шымкент қаласы Әділет департаменті мамандары мен «Шымкент қаласы бойынша мамандандырылған алимент өндіру конторасының» жеке сот орындаушысы Б.Біләлов, «Zangerler Palatasy»-ның заң консультанттары Н.Шертимов, А.Мырзағалиева және А.Ақылбековалардың қатысуымен Шымкент қаласы жұмыспен қамту және әлеуметтік қорғау басқармасының «№3 арнаулы әлеуметтік қызметтер көрсету орталығының» қызмет алушыларына «Әділет кеңес береді» акциясы өтті.
Акция аясында азаматтар алимент өндіру, борышкермен арадағы жылжымайтын мүлікті бөлісу, туу және некені бұзу туралы куәліктер алу, бұғатталған шоттарды шешу, сондай-ақ мұрагерлік іске қатысты сұрақтарына құқықтық кеңестер алды.
Шымкент қаласы Әділет департаментінің атқарушылық құжаттарды орындау жөніндегі бөлімі-филиалының басшысы М.Мұхтаров және Департамент мамандарының, сондай-ақ «Zangerler Palatasi»-ның заң консультанттары А.Мырзагалиева, А.Ақылбековалардың қатысуымен «Белсенді ұзақ өмір сүру» орталығында қызмет алушыларға «Әділет кеңес береді» акциясы өтті. Басқосу барысында қызмет алушыларға сала мамандары тарапынан борышкерден берешек өндіру, зейнетақы және жәрдемақы тағайындау, жылжымайтын мүлік және азаматтық хал актілерін тіркеу туралы құқықтық кеңестер берілді.
Шымкент қаласы Әділет департаменті мен «AMANAT» партиясы бірлесіп, азаматтардың құқықтық сауаттылығын арттыру мақсатында қоғамдық қабылдау өткізді.
Қабылдауға Шымкент қаласы Әділет департаменті басшысының орынбасары А.Исабекова, коммерциялық емес ұйымдарды тіркеу және тіркеу қызметі саласындағы бақылау бөлімінің басшысы Д.Ботан және Департамент мамандары, сондай-ақ Шымкент қалалық прокуратурасының, Шымкент қалалық энергетика және коммуналдық шаруашылық, тұрғын үй, денсаулық сақтау басқармаларының өкілдері, адвокаттар, нотариустар және заң кеңесшілері қатысты.
Қабылдау барысында өтініштерімен жүгінген азаматтар тұрғын үй алу, жер телімдерін заңдастыру, жылжымайтын мүліктер және азаматтық хал актілерін тіркеу, алимент өндіру, мәселелері бойынша құқықтық кеңестер алды.
берілді.